mi tawa tenpo kulupu pi toki pona pi kulupu TokiponaVR (TOKI.9663). mi tawa ala ni lon tenpo mute tan ni: tenpo open li tenpo pimeja suli lon ma Nijon (tenpo tu tu). tenpo ni la, mi moku e telo pimeja mute. mi lape ala la mi ken tawa ona tan ni.

tenpo pi nanpa wan la, mi mute li musi e “o ante”. nasin musi li ni: jan li toki tawa jan ante lon supa. ona li toki kepeken nasin powe. taso jan ante pi monsi supa li toki “o ante” la, jan supa o ante e toki. ni li ken: jan li toki “mi wile esun e lipu” la, toki “o ante” li ken ante e ni tawa “o pana e lipu ale sina”. nasin ante ale li pona.

musi ni li pona ala tawa mi tan jan lili pi toki pona, taso mi kin pali e ni. jan Katan en mi li toki, taso mi sona ala e ni: mi mute li toki kepeken toki pi linja wan… wawa mi pi toki pona li pona ala.

musi ni li lukin musi tawa jan pi musi powe. ni li pona kepeken toki Nijon kepeken toki Epelanto kin.